வாழ்த்துக்கள் தெரிவித்தஅன்புநெஞ்சங்கள்
அனைவர்க்கும் அன்பு நன்றிகள் வாழ்த்துக்கள்
Diocese of Jaffna 01 Dec 2013
TCNL Website 2 years old on 29 Nov.2013
தமிழ் கத்தோலிக்க செய்தி லங்கா இணையத்தளம்
29.11.2013 அன்று 2 ஆண்டு நிறைவைகொண்டாடுகின்றது
ஓராண்டு நிறைவில் வாழ்த்துக்கள் தெரிவித்தஅன்புநெஞ்சங்கள்அனைவர்க்கும் அன்பு நன்றிகள் வாழ்த்துக்கள் ...
Diocese of Jaffna 30 Nov 2012
தமிழ் கத்தோலிக்க செய்தி லங்கா (ரி.சி.என்.எல்.) இணையத்தள அன்பு நெஞ்சங்களே
மகிழ்வான இந்த இரண்டாண்டு நிறைவு நேரப்பொழுதில் உலகெங்கும் வாழும் எம் அன்பு நெஞ்சங்களே தங்கள் அனைவரையும் அன்போடும் நன்றியோடும் நினைவு கூருகின்றோம்.
இந்த இரண்டு ஆண்டு காலப்பகுதியில் தமிழ் கத்தோலிக்க செய்தி லங்கா இணையத்தளம் உலகம் முழுவதும் அன்பு நெஞ்சங்;களைப் பெற்று பரந்து வளர்ந்துள்ளது. கடந்த இரண்டு ஆண்டுகாலப்பகுதியில் 73 நாடுகளைச் சேர்ந்த 63 ஆயிரம் பேர் தமிழ் கத்தோலிக்க செய்தி லங்கா இணையத்தளத்திற்கு வருகை தந்துள்ளார்கள். கத்தோலிக்க இணையத்தளம் ஒன்றிற்கு இது ஒரு பெரிய தொகை என்பதை நீங்கள் ஏற்று கொள்வீர்கள்.
தமிழ் கத்தோலிக்க செய்தி லங்கா இணையத்தளம் ஒவ்வொரு நாளும் செய்திகளையும் காணொளிகளையும் தரவேற்றம் செய்து வருவதை நீங்கள் அறிவிர்கள். சில தினங்களில் தரவேற்றம் தடைப்படுவதற்கு காரணம் மின்இணைப்பில் ஏற்படுகிற தடங்கலே என்பதை அறிந்து கொள்ளுங்கள்.
பலரின் பல வேண்டுகொள்களை மெது மெதுவாக நாம் நிறைவேற்றி வருவதை நீங்கள் அறிவீர்கள். இவற்றில் குறிப்பிடப்படவேண்டிய ஒன்று தளத்தின் புதியமுக மாற்றமாகும். இது முற்று முழுதாகத் திருப்தி தராவிடினும் கிடைத்தவற்றில் சிறந்தது எனத்தெரிந்துகொண்டோம். இன்னும் தரமானவற்றை எடுப்பதற்கு இன்னும் அதிக பணம் தேவைப்பட்டது. வடிவமைப்பு தேவை என்றாலும் இது இப்போதைக்குப் போதும் என்றே நம்புகிறோம்.
உலகம் முழுவதும் பரந்து - ஒவ்வொரு நாளும் செய்திகளையும் காணொளிகளையும் தரவேற்றம் செய்து - ஒவ்வொரு நாளும் தமிழ் கத்தோலிக்க செய்தி லங்கா இணையத்தளத்தைப் பார்வை இடவேண்டும் என்ற ஆவல் கொண்ட அன்பு நெங்சங்கள் பலவற்றை கொண்டிருப்பதும் எம் பலமும் வெற்றியுமாகும்.
தமிழ் கத்தோலிக்க செய்தி லங்கா இணையத்தளத்துடன் இணைந்த தமிழ் கத்தோலிக்க செய்தி லங்கா தொலைக்காட்சியின் (ரி.சி.என்.எல்.ரி.வி) யின் காணொளிகளை தமிழ் கத்தோலிக்க செய்தி லங்கா இணையத்தளத்தில் ஆரம்பத்தில் இணைத்ததுபோல் இணைக்கும் படியும் தமிழ் கத்தோலிக்க செய்தி லங்கா இணையத்தளத்திற்கென முன்புபோல தனியான காணொளிச் செய்திசேவையை இணைக்கும் படியும் பலர் வேண்டியுள்ளனர். இது அதிக நேரத்தைச்செலவிடும் ஒரு பணி என்பதாலும் அதற்கெனத் தனியான ஒருவரை அமர்த்தவேண்டுமெனபதாலும் இப்போதைக்கு சற்றுத்தள்ளி வைத்துள்வோம். விரைவில் ஆவன செய்வோம்.
தங்கள் கடிதங்களை ஆரம்பத்தில் முழுமையாகப் பிரசுரம் செய்து வந்தோம். ஏறக்குறைய 50 கடிதங்கள் தரவேற்றம் செய்தோம.; பின்னர் நிறுத்திவிட்டோம். ஒரு ஊடகத்தின் நிலைப்பாட்டை உண்மையாக அறிய நேர்மையான பார்வையாளர் தொடர்பு அவசியம். தங்கள் கடிதங்களை இனிப்பிரசுரிப்போம் என உறுதி செய்கிறோம்
தன்னலமற்று தியாகநோக்குடனும் அர்ப்பணிப்பபுடன் சேவையாற்றும் எம் அன்பு செய்தியாளர்களே தங்கள் பணிக்கு அன்பான நன்றிகள்.
சிறப்பான நன்றிகளை வெளிநாடுகளில் இருந்து தம் வேலைப்பழு மத்தியிலும் - வாழ்க்கை வேகத்தின் நடுவிலும் - செய்தி அனுப்பும் அனைவர்க்கும் தெரிவிக்க விரும் புகிறோம். தங்கள்பணி மகத்தானது. ஈடுசெய்ய முடியாதது. தங்களுக்கு கைமாறு செய்யும் நிலையில் நாம் இல்லை. இறைவன் தம் நிறைவான அருளையும் அன்பான ஆசிரையும் தங்கள் மேலும் தம் அன்புக்குரியவர்கள் மேலும் நிறைவாகப்பொழிய இறையாசீர் வேண்டுகிறோம்.
எம் இலங்கைச் செய்தியாளர்களே தங்கள் சீரான அதேவேளை சிறப்பான பணிக்கு அன்பார்ந்த நன்றிகள். இலங்கையின் பல மறைமாவட்டங்களில் இருந்தும் செய்தி அனுப்புவோருக்கு கொடுப்பனவுகளை முறையாக வழங்கும் நிலைக்கு நாம் இன்னும் வரவில்லை. விரைவில் அதற்கென நிதி ஒன்றை சேர்ர்க்கவுள்ளோம். வெற்றி பெறுவோமென நம்புகிறோம்.
புதிய செய்தியாளர்கள் உலகின் பல பாகங்களிலிருந்தும் இலங்கையின் எல்லா மறைமாவட்டங்களிலிருந்தும் இன்னும் தேவைப்படுகின்றனர். 24 மணி நேரச்செய் திச்சேவைசேவையை இன்னும் வேகமாகவும் முழுமையாகவும் வழங்கவிரும்புகிறோம். துணசெய்யுங்கள்.
இலங்கையின் பல மறைமாவட்டங்களிலும் உலகின் கனடா (மொன்றியல் - ரொறென்ரோ) அமெரிக்கா - அவுஸ்திரேலியா - இங்கிலாந்து பிரான்ஸ் - ஜேர்மனி - மலேசியா - இந்தியா போன்ற இடங்களிலும் இருந்து எமக்காகப் பணியாற்றும் பலரையும்; அன்போடும் நன்றியோடும் நினைத்தாலும் எமது ஈராண்டு நிறைவில் மூவருக்கு விருது வழங்கி கௌரவிக்க விரும்புகிறோம்
இலங்கை மட்டக்களப்பு மறைமாவட்டதிலிருந்து ஆரம்ப முதல் தமிழ் கத்தோலிக்க செய்தி லங்கா இணையத்தளத்துடன் இணைந்து பணியாற்றிய வ.அன்டனி சுரேஸ் கண்ணா நியுநோர்க் மாநகரில் இருந்து விசேட அர்ப்பணிப்புடன் பணியாற்றிய புனிதா ஏ யோகராஜா கனடா மொன்றியலில் இருந்து தொடர் பணியாற்றிய சூசைமுத்து அல்பிரட் ஞானராஜா ஆகியோரே இவர்கள்.
வ.அன்டனி சுரேஸ் கண்ணா தமிழ் கத்தோலிக்க செய்தி லங்கா இணையத்தளத்துடன் ஆரம்ப முதல் இணைந்து பணியாற்றிய ஒருவர். செய்திகளை கால இடைவெளியின்றி சரமாரியாகப் பொழிந்துகொண்டேயிருப்பவர். அவரின் செய்திகள் பல இன்னும் பிரசுரமாகவே இல்லை. இன்னும் சிறப்பாக திரிகோணமலை மறைமாவட்டம் பிரிக்கப்பட்ட பின்னர்; மட்டக்களப்பு மறைமாவட்டத்திற்கென அண்மையில் தனியாக ஒரு இணையத்தளத்தையே உருவாக்கி சாதனை புரிந்தவர். அன்போடும் மகிழ்வோடும் அவரை வாழ்த்தி அவரின் பணி சிறக்க வாழ்த்துகிறோம். தொடர்ந்தும் எம்மோடு இணைந்து துணைபுரியுங்கள் என அன்பு வேண்டுகோள் விடுக்கிறோம்.
நியுநோர்க் மாநகரில் இருந்து விசேட அர்ப்பணிப்புடன் பணியாற்றிய புனிதா ஏ யோகராஜா நிறையப் படங்களையும் செய்திகளையும் தொடர்ந்து அனுப்பிக்கொண்டே இருப்பவர். தரவேற்றம் காலம் பிந்தினால் மின்அஞ்சல் மூலம் தொடர்பு கொண்டு வேகப்படுத்திக்கொண்டே இருப்பவர். உங்கள் பணி மகத்தானது தொடருங்கள் உங்கள் பணியை.
கனடா மொன்றியலில் இருந்து பணியாற்றிய சூசைமுத்து அல்பிரட் ஞானராஜா ஏராளம் செய்திகளை அனுப்பிக்கொண்டே இருப்பவர். அடிக்கடி மின்அஞ்சல் மூலம் தொடர்பு கொண்டு தமது செய்திப்பணி பற்றி விளக்கியும் மொன்றியலில் ஆன்மீகப்பணியக இயக்குனர் யூட் அமலதாஸ் மூலம் செய்திகளை அனுப்பியும் வேகப்பணி புரிபவர். தங்கள் தொடர் பணி எமக்குத் தேவை தொடருங்கள் தங்கள் அன்புப்பணியை.
எமக்கு வாழ்த்துக்கள் அனுப்பி அனைவர்க்கும் நன்றி
ரூபன் மரியாம்பிள்ளை அடிகளார்
ரீ.சி.என்.எல். இணையத்தளம்
உலகின் பல பாகங்களிலும் இதனைப் பார்வையிடு பவர்களின் எண்ணிக்கை அதிகரித்துக் கொண்டு செல்வது வளர்ச்சியின்மற்றுமொருவெற்றிப்படியாகும் - ஜே.எச்.இரத்தினராஜா - மட்டக்களப்பு
இலங்கையின் முதல் கத்தோலிக்க இணையத்தளமான தமிழ் கத்தோலிக்க செய்தி லங்கா இணையத்தளம் இரண்டு ஆண்டுகளை நிறைவுசெய்து மூன்றாவது ஆண்டில் தடம் பதிப்பதையிட்டு மிக்க மகிழ்ச்சி.
இவ்விணையத்தளம் மூலம் இலங்கையின் மறைமா வட்டங்களில் இடம்பெறும் கத்தோலிக்க நிகழ்வுகளை மட்டுமன்றி உலகின் நிகழ்வுகளையும் உடனுக்குடன் தெரியப்படுத்தி வருவதையிட்டு பார்வையிடும் அனைவரின் சார்பிலும் இணையத்தள இயக்குனரையும் குழுமத்தின ரையும் பாராட்ட விழைகின்றேன்.
உலகின் பல பாகங்களிலும் இதனைப்பார்வையிடுபவர்களின் எண்ணிக்கை அதிகரித்துக்கொண்டு செல்வது வளர்ச்சியின் மற்றுமொரு வெற்றிப்படியாகும். இறைமகன் இயேசுவின் பெயரால் இந்நற்செய்திப்பணி பணி மேலும் தொடரவும் இதனுடன் இணைந்து ஆரம்பிக்கப்பட்ட தொலை க்காட்சி சேவையும் மென்மேலும் வளரவும் எனது இதயபூர்வமான வாழ்த்துக்களும் பிரார்த்தனைகளும்
- ஜே.எச்.இரத்தினராஜா
ஈராண்டு நிறைவில் பாராட்டி வாழ்த்துகின்றோம்
சூ.யூலியன் - மலேசியா
இலங்கை வாழ் தமிழ் கத்தோலிக்கர்களுக்கு மட்டுமல்லாமல் உலகெங்கு ம் வாழும் தமிழ் கத்தோலிக்கர்களுக்கு, நம் ஆண்டவரால் அளிக்கப்பட்ட கொடையாக, முதல் தமிழ் கத்தோலிக்க இணையத்தளமாக 'தமிழ் கத்தோலிக்க செய்தி லங்கா இணையத்தளம் 'வீறுநடைபோடுகின்றது என்றால் அது மிகையாகாது.
இரண்டு வருடங்களே நிறைவாகும் இத்தளம் ஆற்றிய பணி அளப்பரியது. மிகவும் சிறப்பான வழிநடத்தலுடன் கத்தோலிக்க செய்திகளை வழங்குவதில் முதன்மைத் தளமாக செயலாற்றுவதுடன், திருத்தந்தையின் செய்திகளை உடனுக்குடன் பகிர்ந்து கொள்வது உண்மையில் பாராட்டத்தக்கது. நிறைவு பெற்றிருக்கும் விசுவாச ஆண்டில் விசுவாசத்தை ஊக்கப்படுத்தும் ஊக்கியாகவும் செயலாற்றியுள்ளது. அத்துடன் இத்தளத்தை ஆரம்பித்து அதன் இயக்குனராக செயலாற்றும் அருட்தந்தை ரூபன் மரியாம்பிள்ளை அவர்களையும் அவரது ஞானம் மிக்க ஊடகவியல் நுண்ணறிவால் சிகரம் தொட்டு நிற்கும் தமிழ் கத்தோலிக்க செய்தி லங்கா இணையம் மேலும் பல வளர்ச்சிகளை கண்டு இப்பூவுலகு உள்ளவரை பணியாற்றிட வாழ்த்துகின்றேன்.
அத்துடன் அருகிலிருந்து பணி செய்ய முடியாது விட்டாலும் இத்தளத்திற்கு செய்திகளை வழங்குவதற்கான அனுமதியை தந்து ஊக்கப்படுத்தி ஏற்றுக்கொண்டு, எம்மனதிற்கு மகிழ்ச்சியை அளித்துள்ள அருட்தந்தைக்கும் இத்தளத்தின் பெருமைக்குரிய அனைவருக்கும் எனது உளம் நிறைந்த நன்றிகளை தெரிவித்துக்கொள்கின்றேன். கத்தோலிக்க கல்வியின் ஒரு அலகாக இத்தளம் செயலாற்றுவதும் அனைவருக்கும் பயன்மிக்க ஒன்றாகும்.
நம் ஆண்டவர் இயேசுவின் அருளும் ஆசீரும் என்றென்றும் இருக்க மன்றாடுகிறேன். - நன்றி
சூ.யூலியன்
இரண்டாவது அகவையில் தடம் பதிக்கும் தமிழ் கத்தோலிக்க செய்தி லங்கா இணையத்தளம்- வாழ்த்துக்கள்
மட்டக்களப்பிலிருந்து வ.அன்டனி சுரேஸ் கண்ணா
கடந்த இரண்டு ஆண்டுகளில் மட்டக்களப்பு மறை மாநில,மற்றும் இலங்கை கத்தோலிக்க செய்திகளுக்கு களம் அமைத்து தந்த தமிழ் கத்தோலிக்க செய்தி லங்கா இணையத்தளம் இன்று இரண்டாவது அகவையில் தடம் பதிப்பதில் பெருமையடைகின்றோம்.
மட்டக்களப்பு மறை மாநில ஆயருடன் இணைந்து ,முழு மறைமாநிலமும் இம்மகிழ்வின் நாளில் வாழ்த்துக்களை தெரிவிக்கும் அதேவேளை ,கிழக்கிலங்கையின் முதல் தமிழ் கத்தோலிக்க இணையத்தளமும் (www.catholicnewsbatti.org) அதன் இணைய பயனாளிகளுடன் இணைந்து வாழ்த்துகின்றது.
யேசுவின் நற்செய்திப்பணியை வெற்றியுடன் தொடர ஜெபித்து நிற்கின்றோம்.வாழ்த்துக்கள் .
வ.அன்டனி சுரேஸ் கண்ணா
29-11-2013ல் அகவைகள் இரண்டினை குதூகலமாகக் கொண்டாடும் தமிழ்க் கத்தோலிக்க செய்தி லங்கா இணையத்தள த்தினை - கனடா மொன்றியல் மீட்பின் அன்னை மறைத்தளப் பங்கு மக்கள் - பங்குத் தந்தை அருட்திரு யூட் அமலதாஸ் செபஸ்தியாம்பிள்ளை அவர்களோடு இணைந்து வாழ்த்துகின்றார்கள்
இன்று உனக்கு அகவைகள் இரண்டு…
தமிழ்க் கத்தோலிக்க செய்தி லங்காவே
தமிழ் இணையத்தள வரிசையிலே
இன்று உனக்கு அகவைகள் இரண்டு
இல்லை ……. தமிழ்க் கத்தோலிக்க உலகில்
இணையத் தளமெனும் இனிதான சேவையினை
இறை துணையோடு ஆரவாரமின்றி நீ
ஆரம்பித்த நன்நாள் இன்று
வாழ்க பல்லாண்டு வாழ்கவென உனை
வாயாரா வாழ்த்த
புதிதாய்ப் பிறந்தது நானா அல்லது நீயா….?
உன் இணையத்தளப் பக்கங்களில்
ஒவ்வொரு நாளும் புதுப்புது செய்திகளா? இல்லை …
புதுப்புது உறவுகளின் புதுமை மிகு தகவல்களை
உந்துதலாய்த் தந்திடும் உதவும் கரம் நீ வாழ்கவென
புதுமையாய் வாழ்த்த நான் சிந்தித்தேன் …..
புலப்பட்டது எதுவுமில்லை
ஈராறு ஆண்டின் பின் இதமாகப் பூத்திடும்
குறிஞ்சிப் பூவல்ல நீ
இனிவரும் ஒவ்வொரு ஆண்டும் உன் பிறந்த நாள் வந்திடினும் ஆண்டுகளென்ன - மாதங்களென்ன
- வாரங்கள் மட்டுமல்ல
அனைத்துலகில் அன்றன்று பிறக்கின்ற
புத்தம் புதுச் செய்திகளை
அணியணியாய் அறிவிக்கின்ற
ஒவ்வொரு நாளும் நீ பிறக்கின்ற நன்நாளே
இந்த இரண்டு ஆண்டு மட்டுமல்ல
இனிவரும் ஒவ்வொரு ஆண்டும்
இறைமகன் இயேசுவின் இரக்கம்
மிகு துணையோடு
இணையில்லா அன்னை மாசில்லா
மரியாவும் பரிந்துரைக்க
இனிய நல் ஆண்டுகளாய் உன்வாழ்வில் வருகவென
இதமுடனே வாழ்த்தும் என் மகிழ்வான
வாழ்த்து மட்டுமல்ல
மொன்றியல் மீட்பின் அன்னை மறைத்தளப் பங்குத் தந்தையூட் அமலதாஸ் செபஸ்தியாம்பிள்ளை துணையோடு
பங்கு மக்கள் அனைவரும் மகிழ்வாக ஒன்று கூடி
தமிழ்க் கத்தோலிக்க செய்தி லங்காவே
தமிழ் இணையத்தள வரிசையிலே
நீ என்றென்றும் வாழியவே! ….. நீடூழி வாழியவே!
வாயார வாழ்த்துகிறோம் …… வாழிய நீ! …… பல்லாண்டு வாழியவே!
- மொன்றியலிலிருந்து சூசைமுத்து அல்பிரட் ஞானராஜா -
Best Wishes On Your 2nd Anniversary!!!
Kamaly Selvaratnam USA
Two years of faithful service by TCNL has been a generous gift to The world in need.
God has a special place for each of us to serve and you have chosen to follow His path. Thank you for your willingness to give yourself and be used where God has placed you.
Best Wishes On Your 2nd Anniversary!!!
Kamaly Selvaratnam USA
தமிழ் செபமாலை செபக் குழுவினர் சார்பில் எமது உள்ளம் நிறைந்த வாழ்த்துக்களைத் தெரிவிக்கின்றோம்
வாழ்க தங்கள் பணி! வளர்க தங்கள் தமிழார்வம்! தங்கள் முயற்சியில் உருவான இணையதளம் உலகளாவிய ஒரு சேவையினைச் செய்வத னைக் கண்டு மனம் பூரிக்கின்றோம்.
தமிழ் செபமாலை செபக் குழுவினர் சார்பில் எமது உள்ளம் நிறைந்த வாழ்த்துக்களைத் தெரிவிக்கின்றோம். தங்கள் சேவை மென்மேலும் வளர ஆசி கூறியும், உலகம் முழுமையும் வாழும் தமிழ் மக்கள் தங்கள் சேவையால் பயன் பெறத் தங்களை ஒரு கருவியாகப் பயன்படுத்திய இறைவனுக்கு இந்த இரண்டாம் ஆண்டு நிறைவு தினத்தில் நன்றியும் கூறுகின்றோம்.
தங்கள் இரண்டு ஆண்டு வளர்ச்சி உண்மை யிலேயே 20 ஆண்டுகள் வளர்ச்சியடைந்த ஒரு இணையதளத்திற்கு ஒப்பாகும் என்பதில் எந்த ஐயமுமில்லை.
வாழ்க! வளர்க! என வாழ்த்துகின்றோம்!
புனிதா ஏ யோகராஜா
உலகெங்கிலும் பல்லாண்டுகள் நற்செய்தி மணம் பரப்பிட
வாழ்த்துகின்றோம் - பாராட்டுகின்றோம்-ஜெபிக்கின்றோம்!
கடந்த ஓராண்டு காலப்பகுதியில் தமிழ் கத்தோலிக்க செய்தி லங்கா இணையத்தளமானது இலங்கையின் கத்தோலிக்க செய்திகளை மிகவும் ஆர்வத்துடனும் இமுதன்மையாகவும் வெளிக்கொணர்வதில் பாரிய பங்காற்றியுள்ளது என்பது உலகறிந்த உண்மையாகும்.
"உலகெங்கும் போய் நற்செய்தியை அறிவியுங்கள்" என்ற
கிறிஸ்து இயேசுவின் பொன்மொழிகளை உயிருள்ளதும்
அர்த்தமுள்ளதாகவும் மாற்றிய பெருமை இவ்விணைய தள
குழுவையே சாரும்.உடனுக்குடன் உலக கத்தோலிக்க செய்திகளை அறிவிப்பதில் இவ்விணையத் தளம் முன்னி ன்று உழைக்கின்றது.
தொடரும் நம்பிக்கை ஆண்டிலே இவ்விணைய தளம் பல்வேறு வகையிலும் மென்மேலும் வளர்ந்து சாதனை படைக்கும் என்னும் நம்பிக்கை ஒவ்வொரு இணைய பயனா ளிகளுக்கும் உண்டு என்பது மறுக்கமுடியாது .
அத்துடன் இவ்விணையத் தளமானது மென்மேலும் வளர்ந்து
பல்லாண்டுகள் பயணிக்க இறைவனைப் பிரார்த்திக்கின் றோம் !இணைய தள குழுவினரை வாழ்த்துவதோடு பாராட்டுகின்றோம். உங்களின் இந்த நற்செய்திப் பணியில் நாமும் கரம் கொடுத்து
இணைகின்றோம்.
மட்டக்களப்பிலிருந்து
வ.அன்டனி சுரேஸ் கண்ணா
ஓராண்டு நிறைவு வாழ்த்து மடல்
ஆண்டுகள் ஈராயிரம் கடந்தும்,
இறையருளை இன்ரநெற்றில் ஈந்து தர,
அடியார் யாரும் இல்லரோ என்று ஏங்கி நிற்க,
எனையனுப்பும் ஆண்டவரே என்று கூறி,
அற்பணித்தீர் ஆண்டவன் சேவைக்கு,
நல்வாழ்த்துக்கள் பல கோடி கூறி நிற்கின்றோம் உமக்கு.
எங்கள் அருமை ரி.சி.என்.எல்லே,
ஓராண்டு நிறைவு அல்ல நூறாண்டு நிறைவைக் கொண்டாட,
இறையருள் வேண்டி வாழ்த்துகிறோம் மனமுவந்து குடும்பமாக.
இப்படிக்கு,
செல்லா, கமலி, றெக்ஸ்,
நீயு யோக்,
அமெரிக்கா.
God Bless you and your team good work.
Emmanuel Deva
Canada
Congratulations for TCNL as it complete its one year at the service for the Catholics specially. All the best for more services in the years to come and to last in its good deed. God bless.
Rajaratnam Yoga scjm
ஆசிரியர்,
TCNL இணையத்தளம்,
யாழ்ப்பாணம்
இலங்கையின் முதன்முறையாக ஆரம்பிக்கப்பட்ட “தமிழ் கத்தோலிக்க செய்தி லங்கா” இணையத்தளமானது ஆரம்பிக்கப்பட்டு ஒரு வருடம் பூர்த்தியாவதையிட்டு மிகவும் மகிழ்வடைகின்றேன்.
ஒரு வருட காலப்பகுதிக்குள் நாடு கடந்தநிலையில் ஏராளமான பார்வையாளரைப் பெற்றிருப்பது பெரிய வெற்றியாகும். அது மட்டுமல்ல தனது எல்லையை சற்று விரிவுபடுத்தி தொலைக்காட்சி அலைவரி சையையும் பரீட்சார்த்தமாக ஆரம்பித்திருப்பது மற்றுமொரு மைல் கல்லாகும்.
இலங்கையில் பல இடங்களிலும் நடைபெறும் கத்தோலிக்க திருச்ச பையின் செய்திகளை அறிவதற்கு எமக்கு கிடைத்த ஒரு வரப்பிரசாதமே இவ்விணையத்தளம்.
இதனை பயன்படுத்த ஒவ்வொரு கத்தோலிக்கர்களும் முன்வரவே ண்டும். தமிழ்பேசும் மறைமாவட்டங்களில் திருச்சபையின் வளர்ச்சிக்கு உதவும் பொருட்டு பல்வேறுபட்ட நிகழ்வுகள் நடைபெற்றுக்கொண் டேயிருக்கின்றன. இவைகள் வெளிவரவேண்டும்.
இதனை வெளிப்படுத்த அவ்வப்பகுதிகளில் உள்ள ஆர்வமுள்ளோர் முன்வரவேண்டும். இதனை வளர்க்கவேண்டிய கடமை எமக்குள்ளதென எண்ணவேண்டும். இது எனது சிறிய ஆதங்கம்.
மலரும் புத்தாண்டில் செய்திகளோடு மட்டும் நின்றுவிடாமல், மாணவர்கள், இளைஞர்கள், வளர்ந்தோர் ஆகியோருக்கேற்ற வகையில் பயன்தரு ஆக்கங்கள், சிந்தனைகள் போன்றவற்றையும் இணைத்து க்கொள்வது நலமெனக்கருதுகின்றேன்.
இறைவன் இதுவரை வழிநடத்திவந்துள்ளார். தொடர்ந்தும் வழிநடத் துவார். இதன் சேவை தொடர இறைவனைப் பிரார்த்திக் கின்றேன்.
நன்றி
இணையத்தள குடும்பத்தில் ஒருவனாக
ஜே.எச்.இரத்தினராஜா
இல.27, சிறில் லேன்,
மட்டக்களப்பு
27.11.2012
Great work....i'm so touched by this beautiful site,also thanks for the choir for the beautiful hymn....congrats for the voices....i pray for all and to continue this.
philomina. krish
Hello TCNL Family,
Wish you a verry Happy Anniversary.
Really we are happy about your site. I read it every day. It is useful and it brings very important and useful messages.I like TCNL and thank you for your news.
May God Bless You .
Ruba. Anthony
Swiss.
Kind regards and best wishes for the first anniversary.
S. Mariasegarampillai
Secretary
The Tamil Catholic Association of Victoria
P.O. Box 481
Rosanna Vic 3084
Australia
தமிழ்கத்தோலிக்கசெய்திலங்கா இணையத்தளத்தின் ஓர் ஆண்டு நிறைவு -29.11.2012
தமிழ் கத்தோலிக்க செய்தி லங்கா இணையத்தளத்தின்
ஓர் ஆண்டுநிறைவில் பாராட்டி விருது வழங்கி கௌரவிக்கப்படும்அன்புநெஞ்சங்கள் இவர்கள்
|
|
ஜே.எச். இரத்தினராஜா அருட்சகோதரி யோகா scjm மரியதாஸ் நியூட்டன் திருதிருமதி கமலி செல்வரட்ணம்
தமிழ் கத்தோலிக்க செய்தி லங்கா இணையத்தளம் 29.11.2012 அன்று தனது ஓர் ஆண்டு நிறைவை வெகு விமரிசையாக கொண்டா டுகின்றது.
தமிழ் கத்தோலிக்க செய்தி லங்கா இணையத்தளத்தின் ஓர் ஆண்டுகாலப் பயணப் பாதையில் நட்போடு துணைநின்ற - பாசத்தோடு வழிகாட்டிய - அன்போடு உதவிபுரிந்த - கவனத்தோடு தொழில்நுட்ப பணிபுரிந்த - ஆவலோடு தினமும் பார்வையிட்டு குறிப்புக்களையும் கருத்துக்களையும் பாராட்டுக்களையும் பண உதவிகளையும் அனுப்பிய அன்புநெஞ்சங்கள் அனைவருக்கும் அன்பார்ந்த நன்றிகள்.
கடந்த ஓராண்டு காலத்தில் 63 நாடுகளை சார்ந்த 34 ஆயிரம் பேர் இந்த தளத்திற்கு வருகைதந்திருக்கிறார்கள்.
வருகைதந்த தொகையின் அடிப்படையில் இலங்கை முதலா மிடத்திலும் - கனடா இரண்டாமிடத்திலும்- யேர்மனி மூன்றா மிடத்திலும் -இங்கிலாந்து நாலாமிடத்திலும்- பிரான்ஸ் ஐந்தா மிடத்திலும் -அமெரிக்கா ஆறாமிடத்திலும் -அவுஸ்திரேலியா ஏழாமி டத்திலும் -இத்தாலி எட்டாமிடத்திலும்- சுவிஸ்லாந்து ஒன்ப தாமிடத்திலும் -பின்லாந்து பத்தாமிடத்திலும்- இந்தியா பதினொரா மிடத்திலும் - நோர்வே பன்னினெண்டாமிடத்திலும் இருக்கின்றது.
செய்தியாளர்களாக பணியாற்றிய அனைவரையும் - இங்கு பெயர் குறிப்பிடாதவர்களையும் - இவ்வேளையில் அன்போடும் நன்றியோடு நினைவுகூறுவதோடு தொடர்ந்தும் பணியாற்றும்படி அன்போடு வேண்டுகோள் விடுக்க விரும்புகிறோம்.
புதிய செய்தியாளர்களை இணைக்க விரும்புகின்றபடியால் ஆர்வமுடையவர்கள் எம்மோடு தொடர்புகளை ஏற்படுத்தும்படி அன்புடன் வேண்டுகிறோம்.
கடந்த ஓராண்டில் எமக்குத் துணைநின்ற செய்தியாளர்களில் மட்டக்களப்பிலிருந்து பணியாற்றிய ஜே.எச்.இரத்தினராஜா அவர்களை சிறப்பாகப் பாராட்டுகிறோம். கடின முயற்சியை மேற்கொண்டு அடிக்கடி முக்கிய பல செய்திகளை படங்களுடன் தந்து துணைபுரிந்த இவர் புதிய திரிகோணமலை மறைமாவட்டச் செய்திகளையும் பெற்றுத்தருவதில் முயற்சிகளை மேற்கொண்ட வர்.தொடர்ந்து பணியாற்றுங்கள் - தங்கள் பணி மகத்தானது என அன்பு வாழ்த்துக்களைத்தெரிவிக்கிறோம்.
எமக்குத் துணைநின்ற செய்தியாளர்களில் இரத்தினபுரியிலிருந்து பணியாற்றிய அருட்சகோதரி யோகா ளஉதஅ அவர்களைச் சிறப்பாகப் பாராட்டுகிறோம். செய்திகளைப் பெற்றுக்கொள்ள முடியாத இடங்களிலிருந்து செய்திகளை நிறையப்படங்களோடு பெற்றுத்தந்தவர் இவர். தங்கள் மற்றைய சமயப்பணிகள் மத்தியிலும்
ரி.சி.என்.எல். இணையத்தளத்தின்பணிகளையும் தொடருங்கள் எனஅன்பு வேண்டுகோள்விடுக்கிறோம்.
யாழ்ப்பாணத்திலிருந்து பணியாற்றிய மரியதாஸ் நியூட்டன் அவர்கள் பல செய்திகளை உடனுக்குடன் படங்களுடன் அறிக்கையிட்டதை ரி.சி.என்.எல். அன்புநெஞ்சங்கள் அறிவர். உங்கள் பணி இன்னும் அதிகமாகத் தேவைப்படுகிறது என அன்பு நெஞ்சங்கள் சார்பாக அன்பாகத் தெரிவிக்கவிக்க விரும்புகிறோம்.
மேலும் அமெரிக்கா நியூயோர்க்கில் இருந்து ரி.ச.என.எல் இணையத்தளத்தை ஆரம்பமுதல் பார்வையிட்டு எமது பணியை ஆர்வப்படுத்தி குறிப்புக்களையும் கருத்துக்களையும் வழங்கிஆர்வமூட்டி உதவி வரும் திரு தருமதி கமலிசெல்வரட்ணம் அவர்களுக்கும் எம் அன்பான நன்றிகள்.
இவர்கள் அனைவர்க்கும் ரி.சி.என்.எல். இணையத்தளத்தின் நினைவுசின்னம் ஒன்றையும் வழங்குவதாக உறுதிப்படுத்துகிறோம். எமது ஏதாவதொரு சிறப்புவிழாவில் இந்த நினைவுச்சின்னம் வழங்கப்படும் என்பதை குறிப்பிடுகிறோம்.
இணைத்தளப்பணியில் எமக்கு ஆர்வமூட்டிய யாழ் ஆயர் மேதகு தோமஸ் சவுந்தரம் ஆண்டகையையும் யாழ் மறைமாவட் குரு முதல்வர் அருட்கலாநிதி ய. ஞானப்பிரகாசம் அடிகளாரையும் யாழ் மறைமாவட்ட குருக்கள் துறவியர் கன்னியர்களையும் புலம்பெயர் நாடுகளில் பணியாற்றுகினற் ஆன்மீக பணியக குருக்களையும் புலம்பெயர் வாழ்மக்களையும் அன்போடும் நன்றியோடும் நினைத்துக்கொள்ள விரும்புகின்றோம்.
எமது இணையத்தளத்தின் வளர்ச்சியில் ஆர்வம்கொண்டு பல வகைகளில் வழிகாட்டுதல்களையும் குறிப்புக்களையும் ஆர்வமூட்டும் வார்த்தைகளையும் தெரிவித்துவந்த அனைத்துக் குருக்களையும் -அவர்களது பெயர்களை இங்கு குறிப்பிடாவிடினும்- நன்றியோடு தெரிவித்துக்கொள்ள விரும்புகிறோம்.
தொடர்ந்தும் இனி இன்னும் சிறப்பாகப் பணியாற்றுவோம் எனத் தெரிவித்து விடைபெறுகிறோம்.
அருள்திரு ரூபன் மரியாம்பிள்ளை
ஆசிரியா -ரி.சி.என்.எல் இணையத்தளம்
செய்தி தொடக்கப் பக்கத்திற்கு திரும்பச் செல்ல அழுத்தவும்
தமிழ் கத்தோலிக்க செய்தி லங்கா (TCNL TV) தொலைக்காட்சியில் ஒளிபரப்பப்பட்ட நிகழ்ச்சிகள் இறுவட்டுக்களாக வெளியிடப் பட்டுள்ளது
(Diocese of Jaffna 30 March 2012)
தமிழ் கத்தோலிக்க செய்தி லங்கா (TCNL TV)தொலைக்காட்சியில் ஒளிபரப்பப்பட்ட நிகழ்ச்சிகள்
தமிழ் கத்தோலிக்க செய்தி லங்கா இணையத்தளத்திலும் பார்வையிடலாம். இணையத்தளத்தில் அதிக விடயங்களை அழுத்தித் தருவதனால் தெளிவுத்தன்மை குறைவாகவுள்ளது. விரைவில் சரிசெய்ய முயலவோம்
மேற்படி நிகழ்ச்சிகள் இறுவட்டுக்களாகவும் வெளியிடப் பட்டுள்ளது
இந்தவகையில் தவக்கால புனித அந்தோனியார் யாத்திரைத் தலங்களான மண்டைக்கல்லாறு - கச்சதீவு - பாலதீவு - நரையாம்பிட்டி - மற்றும் யாழ் ஆயரின் தவக்கால தரிசிப்பு இடம் பெற்ற பண்டத்தரிப்பு - மணற்காடு திருப்பலிகளோடு வளன்புரம் புதிய ஆலயத்திறப்பு விழா அன்று மாலை இடம்பெற்ற விடியல் இசைக்குழுவின் இசைமாலைப்பொழுது போன்ற நிகழ்ச்சிகள் அனைத்தும் இறுவட்டுக்களாக வெளியிடப்பட்டுள்ளது
ஓரு நிகழ்ச்சியின் விலை 200 ரூபா மட்டுமே.
தொடர்பு கொள்ளவும்தொடர்பு கொள்ளவேண்டிய முகவரி: பிசப் சவுந்தரம் மீடியா சென்ரர்
இல. 891 ஆசுப்பத்திரி வீதி யாழ்ப்பாணம் தொலைபேசி 0094 212226085 – 0777165147
info@tcnlnet.com
செய்தி தொடக்கப் பக்கத்திற்கு திரும்பச் செல்ல அழுத்தவும்
தமிழ் கத்தோலிக்க செய்தி லங்கா இணையத்தளத்தின் வரவினை பலரும் பாராட்டி வரவேற் றுள்ளனர்.
(Diocese of Jaffna 02.12.2011)
தமிழ் கத்தோலிக்க செய்தி லங்கா இணையத்தளத்தின் வரவினை பலரும் பாராட்டி வரவேற் றுள்ளனர். இதன் வரவு பற்றிய செய்தியினை வெளியிட்ட நான்கு இணைத்தள செய்திகளை நன்றியோடு இப்பக்கத்தில் பிரசுரிக்கிறோம்.
26 நவம்பர் 2011 ஆரம்பிக்கப்பட்டதிலிருந்து 2ஆயிரத்து 14 பார்வையாளர்கள் எம் தளத்தை வருகை தந்துள்ளனர்.
01 டிசம்பர் 2011இல் இருந்து 365 பார்வையாளர் 30 நாடுகளில் இருந்து தமிழ் கத்தோலிக்க செய்தி லங்கா இணையத்தளத்தை பார்வையிட்டிருப்பது மகிழ்வாக இருக் கிறது.
50 இற்கு அதிகமான மின்அஞ்சல் கடிதங்கள் எமக்குக் கிடைத்துள்ளன. அவற்றை தொடர்புகள் பக்கத்தில் பதில்க ளோடு இணைத்திருக்கிறோம் தங்களின் வாழ்த்துக்க ளுக்கும் குறிப்புக்களுக்கும் அன்பான நன்றிகள். இன்னும் சிறப்பாக தொடர்ந்து பணியாற்றுவோம்.
ஆசிரியர்
தமிழ் கத்தோலிக்க செய்தி லங்கா இணையத்தளம்
